記得15 16歲放學成日會去圖書館，講係溫書，但實質去搵好多書睇（飲食最多）嗰時睇到一本書講斷食然後就突然食咗幾日生果同菜湯。嗰陣冇食生嘅概念，只覺得試吓無妨當清吓腸胃。

直到呢排去上食生班，明白到食生對身心靈嘅改變。因為食生也是斷食的一種，而且祥哥和李大夫分享食生係唔容易嘅修行。

的確，其實好多時我哋都要從身入手。

坦白講，有多少人去接觸靈性後，才發現身體這個載體的重要性。好巧合地，朋友身體有狀況但一直無改善，我問你夠唔夠膽全食生，雖然佢唔夠膽但也大比例食生，而且情況真係好轉。好多嘢真係安排得岩岩好，亦感謝朋友聽我分享。我諗好多人認識食生都會覺得有啲癲，但點解唔會覺得一直嘅飲食模式先係痴線同變態。。。

不過祥哥成日都講，食生唔係醫好你個病，係食好你個人，你個人好咗個病就唔需要喺度。食生係人去改變，思想同情緒會唔同，病就會走左，身體就會自然好返。健康係身體自己去返自然嘅狀態。

當然食係最易入手，但生活嘅方式都要配合。講到底，都係你願唔願意改變舊有嘅生活模式。

其實呢段時間食生嘅體驗都令我對瑜伽嘅理解加深。喺瑜伽嘅修持中，慢慢你會選擇咩時間食，食啲乜，點解要斷食，你作息嘅時間，你要啲咩嘅鍛煉。為嘅除咗係健康，亦是對生命負責（人身不是難得嗎？）更係建立心的空間，厚啲、寬啲，就是「生命覺醒，讓愛流動」吧～ 個人改變，世界都會變～

謝謝祥哥和綠野林團隊

@simon_chau_hong_kong @greenwoodshk @rawkitchen_greenwoods