談手工皂功效
其實呢個問題 我都諗左好耐可以點講
因為一直以嚟我哋都係講
「肥皂只是簡單清潔用品
不要過分放大其功效」
同埋真係要試過，先搵到自己喜歡的洗感～
如果又係由我講太多有咩功效，我咪又跌入返落我未用手工皂前嘅消費模式觀念？
「只是跟隨標誌上所講，但無真係好好感受是否自己身體所需」
係～～的而且確草本植物一直以嚟都有其功效，而我都相信 嘻～ 所以我都覺是有需要寫寫，但又真的唔想大家放大其功效而忘了肥皂是「簡單的清潔用品」。（可能某程度都是自己未學精，未敢講太多，同埋自己都無咩皮膚大問題，自用真的看心情或皮膚狀態，生多左粒粒 暗瘡 咪用下 百里香皂，艾草皂咁）其實功效啲野 講真 我都是問偉大的google 和睇書本所講的～ (這是咪拆自己招牌中(・・?)
呢幾個月個都不約而同係啲文章分享或書本見到「人嘅身體有種是任何機器都沒有的「自我修補功能」(Self Repair System)」
即是身體日常所受到的破壞和傷害，得依靠本身的自我調節機制來修補和調理，醫療的參與，不過是起著協調和輔助的作用而己。
「皮膚是身體最大嘅器官」即皮膚是唯一能不斷生長的組織，表面的死皮不斷脱落，而底層的真皮便要不斷生長。
(咁講是咪專業啲？嗚 但我都睇書所講的，自己要學嘅野真係仲有好多好多～)
寫到呢度，我又諗起，平是啲客人問起 自己咩皮膚狀態我應該揀咩？(呢個係有嚿雲樣嘅皂個post 都分享過) 但講完一大輪是清潔用品頭盔情況下，有皮膚問題嘅大家都會好易揀到自己想要試邊款皂。
咁我又諗到 是咪我們買野前都普遍慣了無問自己所需不，定清楚自己想點而不知？無好好同自己溝通過？
又諗起 大家有病去睇醫生，中醫 西醫 開左藥比我地，都會講返啲 你要戒口啲咩 (飲食)，你要早啲瞓(心理)等等
我又諗其實都是講緊你睇醫生，係啊～食藥當下問題好快解決，但你知道成因而不去改善 戒口個啲問題嘅話，你都是需要較長時間康復或又好快再次浮現問題。
所以啊 我覺得主要都是 「你相信 你實踐 你先見到變化或其功效」～～
我哋覆信息時都會講情緒 飲食 都是影響皮膚的因素之一，而且改善膚質需時 不是一時三刻搞掂啊。
又所以啊～若大家唔相信產品所講嘅功效，你又無去好好注意自己身體改變，咁你就點都覺無效呢～
又略略咁講下呢排學頌缽有感，平時我哋都在尋找外力來療癒自己，而忘記自己就是能量本身，我哋都有自癒能力。是難 我都學習中，慢慢從外力而得到我所需嘅平靜 力量 自在的感覺從而帶到自身環境中，慢慢向內求。我好慶幸生活中打皂都是其中一件能令我專注一件事時能好好感受自己身體 思緒嘅變化。
呢樣都是我堅持用手打皂而不用電動的原因。
其實敲響頌缽當下 能令我們當下放鬆了，但我們之後沒有改善問題，又原地打轉，問題都是解不到。講到呢度 我又覺得好似醫生戒口道理一樣～
又長文了，好怕又1999，應得個段專業啲嘅身體解說好睇啲，因為是跟書寫的 哈哈哈哈
多謝大家睇到呢度
