出埋post 真係要好大勇氣 所以都係濛一濛先
呢排好多回顧咁～ 可能相薄開始彈返啲一年前嘅相
同埋5月就是我脫離左社會工作模式一年了，一開始是會不安 唔知會點。
同埋5月就是我脫離左社會工作模式一年了，一開始是會不安 唔知會點。
但估唔到宜家嘅感受，得着，自由度係多咁多
因為回憶睇舊相 見到自己18-22歲嘅青春，食極都唔肥咁，
好似都唔洗點keep咁….. 都會係45kg 左右….
到踏入社會工作，壓力，情緒，食無定時，
令到個人愈嚟愈水腫同肥，愈嚟愈唔健康… 55-59kg…..
曾經試過工作，半年無嚟M，不停中醫，西醫，錢又係咁洗，但都係唔嚟…..但m前徵狀全部都有，但就係無m……
但都唔夠我講一句辭職咁有效…..真係講都唔信….
一講完，第二日即嚟m…….足足半年….. 一句話… 我諗個陣嘅壓力真係大到痴線…
真係好記得講完個句之後 鬆一口氣嘅心情… 同第二朝見到自己嚟m個種感動…..
真係好記得講完個句之後 鬆一口氣嘅心情… 同第二朝見到自己嚟m個種感動…..
之後我真係覺得自己好肥….又成日腳痛，再咁落去唔掂，所以去打下泰拳
(聽聞是最有效的減肥方法) 打左一個月都唔知有無…太辛苦 自己又無節奏感 唔太喜歡。
(聽聞是最有效的減肥方法) 打左一個月都唔知有無…太辛苦 自己又無節奏感 唔太喜歡。
加上懶 哈哈哈哈 我轉左去玩瑜伽。當時都係抱住放工郁動下 好過唔郁嘅心態，又可以當輕鬆啲減肥
咁我佛系減嘅，食都照食，係食少左飯同肉，幸好屋企每日都會有菜，食清左啲，但又無話特登戒口。
咁做左一排 你係feel到感覺上係健康左 咁我其實已經覺得好好。
咁我其實已經覺得好好。但之後疫情啦，所有啲體育中心閂門，我又無郁一排…. 又覺得唔太得，我自己係屋企跳繩 之後好似又得喎。但又係懶 我又係無堅持
之後好似又得喎。但又係懶 我又係無堅持 或者我仲未搵到當中樂趣，我唔知自己做緊咩。
之後當我真係改變生活習慣及模式，我辭左職，變左全職手工皂 Hahahah。
我就每日跟文哥晨運，再keep住出去做啲傳統瑜伽，開始慢慢 明白何謂瑜伽，如何同自己身體溝通。
行左一個月晨運，我見文哥自練金剛功，但我覺得太有勁度，我怕攰
所以醒起我同琼姑有做過一排八段錦。佢就話爸爸都得，你自練都得！當建立多個習慣！
睇落都較易 望落唔洗點太大郁動 所以晨運完加返套八段錦
所以晨運完加返套八段錦 一開始我都唔知做緊咩，純做下動作，知道自己郁緊。但慢慢你又發覺你啲動作會順好多，啲手腳會好自然跟住身體擺動。自己會感到有啲身體上嘅轉變。整個人穩左好多 實在左好多。嗚
之後有日 發現 有啲動作同瑜伽嘅呼吸動作好似。個下突然更覺神奇，原來所有野都係由呼吸帶起，再係個動作入定，再將身體所有能量流動。
原來當知道自己做緊咩事，漸會發覺堅持並唔難，你會愈嚟愈開發更多身感，更能明自己想要點嘅生活。
真係只要我肯郁，身體都會比返相對反應你。
但係要時間嘅，就係睇自己嘅堅持，再繼續將對自己好嘅野 變成恆常生活。
宜家磅數都係47-49kg，我唔敢話宜家真係好完全健康，但起碼身體嘅變化我都能感受到 嗚
真係架～ 真係得自己能為自己身體負責。
無啊～ 都係唔知點結尾啊～～ 因為我嘅路仲未行完啊～ 做咩要咁快諗定？
嗚 難得生而為人 繼續實修實證 堅持 認真 專注 誠實面對自己
繼續肚餓就食，急就屙，攰就訓！野！
而每人嘅恆常都可以不同，只要搵到同肯做～
Love!!
